Tódolos ingredientes empregados: cereais, maltes, lúpulos, especias, lévedos e calquera outro, son ingredientes naturais, da mellor calidade e frescura. Sempre que é posible empregamos cultivares tradicionais e locais, e nunca usamos sulfitos,  conservantes ou calquera tipo de adxacente artificial.

Somos artesáns, os saberes tradicionais, son os que nos nutren, dos que estamos continuamente aprendendo, adaptando e mellorando nas nosas elaboracións. Respectamos os tempos dos procesos e a natureza dos ingredientes, para preservar as súas propiedades nutricionais e organolépticas, e así obter produtos sans,  saborosos e equilibrados.

A nosa forma de traballar foi recoñecida e esta certificada polo AGACAL, mediante o selo de calidade Artesania alimentaria, que indica que os nosos produtos son fabricados por nós, (non mercamos a terceiros para logo etiquetar coa nosa marca, algo, por desgracia, tan común) que están feitos en Galicia (Lugo), mediante técnicas artesanias, e dicir, non trampeamos os procesos, empregando sucedanos de materia prima para abaratar, por poñer un exemplo.

Sempre damos prioridade a calidade fronte a cantidade.