Saltar ao contido

Receita pasta de centeo con soia e verdura de tempada

  • por

Comezamos esta serie de receitas de pasta, con unha ben sinxela de facer e equilibrada nutricionalmente, xa que conta con un aporte completo de proteína, carbohidratos, minerais e vitaminas e ademáis e moi saborosa.

Esperamos que sexa amena e que disfrutes cociñando e degustando dela.

Imos aló!!

Ingredientes:

  • 1 paquete de parafusos de centeo Bubela Artesá
  • 1 dente de allo picado
  • 1 cebola picada fina
  • 3 tomates maduros relados
  • 1 cenoura relada
  • 1 cunca pequena de soia texturizada fina.
  • 1 chisco de pementón doce/picante o gusto
  • Ourego, sal, pementa e aceite de oliva virxe

Elaboración:

  1. Poñer a soia a remollo con auga.
  2. Poñer o lume una pota con auga abundante e sal, para cocer a pasta.
  3. Nunha tixola poñer o aceite, rustrir o allo, engadir a cebola e pochala.
  4. Engadir a cenoura e o tomate. Salpimentar o gusto, engadir o pementón máis o ourego. Cocer a lume baixo 5 minutos.
  5. Escorrer a soia, engadila e cocer 2 minutos máis. Reservar.
  6. Cocer a pasta en abundante auga 5-7 minutos. Escorrer.
  7. Mesturar ca salsa e listo para xantar.

 

Recomendamos adaptar os ingredientes para empregar produtos de tempada, locais e ecolóxicos.

5/5

Deixa unha resposta

O teu enderezo electrónico non se publicará Os campos obrigatorios están marcados con *

GALEGO